Parveen Shakir Poetry
She was an Urdu poetess, teacher and a civil servant of the Government of Pakistan.
She is often regarded as 'The Poetess of Fragrance'.
Notable Works; Khushbu (1976)
* Koi faisla to ho kay kidhar jana chahiye,
Pani ko ab to sar say guzar jana chahiye..
--Parveen Shakir--
* Tu badalta hay to besakhta meri aankhen,
Apnay hathon ki lakeeron say ulajh jati hen..
--Parveen Shakir--
* Wo kahin bhi gaya lota to meray paas aaya,
Bas yehi baat hay achi meray harjai ki..
--Parveen Shakir--
* Men jan sakti hun wasl men asal bhed kya hay,
Magar haqeeqat shanas honay kay din nahi hen..
--Parveen Shakir--
* Yeh gurbaten meri aankhon men kesi utri hen,
Kay khawab meray rukhsat hen, ratjaga bhi gaya..
--Parveen Shakir--
* Kitni masoom khawahish hay us deewani larki ki,
Chahti hay MUHABBAT bhi karay aur khush bhi rahay..
--Parveen Shakir--
* Bas yeh hua kay us ney takaluf say baat ki,
Aur ham ney rotay rotay dupattay bhigo liye..
--Parveen Shakir--
* Meray sakoot say jis ko gilay rahay kya kya,
Bichartay waqt in aankhon ka bolna dekhay..
--Parveen Shakir--
* Kaanp uth'ti hun men yeh soch kar tanhai men,
Meray chehray pay tera naam na parh ley koi..
--Parveen Shakir--
* Wo dilnawaz lamhay bhi gai ruton men aaye,
Men khawab dekhti rahi, wo mujh ko dekhta raha..
--Parveen Shakir--
* Men us say puchti hun khawab men mujh say MUHABBAT hay,
Phir aankhen khol deti hun , Wo jab izhaar karta hay..
--Parveen Shakir--
* Mosam ka azaab chal raha hay,
Baarish men gulaab jal raha hay..
--Parveen Shakir--
* Tu mera kuch nahi lagta magar jan-e-hayaat,
Janay kyun teray liye dil ko dharakta dekhun..
--Parveen Shakir--
* Bohat say log thay mehmaan meray ghar lekin,
Wo janta tha kay hay ehtmaam kis kay liye..
--Parveen Shakir--
* Badan mera chua tha us ney lekin,
Gaya hay rooh ko abaad kar kay..
--Parveen Shakir--
* Dastras say apni bahir ho gaye,
Jab say ham un ko muyassar ho gaye..
--Parveen Shakir--
* Tootay hay meri need magar tum ko is say kya?
Bajtay rahen hawaon say dar tum ko is say kya?
--Parveen Shakir--
* Aoron ka haath thamo, unhen rasta dikhao,
Men bhool jaon apna hi ghar tum ko is say kya?
--Parveen Shakir--
* Saath chorna aur dil torna do alag baaten hen,
Khuda ney kab di ijaazat khayanat karnay kay liye..
--Parveen Shakir--
* Zameen kay halqay say nikla to chaand pachtaya,
Kashish bichanay laga hay har agla sayara..
--Parveen Shakir--
* Men bach bhi jaon to tanhai maar daley gi,
Meray qabeelay ka har fard qatal gaah men hay..
--Parveen Shakir--
* Chalnay ka hosla nahi rukna mahal kar diya,
Ishq kay is safar ney to mujh ko nidhal kar diya..
--Parveen Shakir--
* Ana parast hay itna kay har baat say pehlay,
wo uth kay band meri har kitaab kar day ga..
--Parveen Shakir--
* Ham to samjhay thay kay ik zakham hay bhar jaye ga,
Kya khabar thi kay rag-o-jaa'n men ukhar jaaye ga..
--Parveen Shakir--
* Mar bhi jaon to kahan log bhula hi denge,
Lafz meray, meray honay ki gawahi den gay..
--Parveen Shakir--
* Tum ney to thak kay dasht men khemay laga liye,
Tanha katay kisi ka safar, tum ko is say kya?
--Parveen Shakir--
* Ab to is raah say wo shakhs guzarta hi nahi,
ab kis umeed pay darwazay say jhankay koi..
--Parveen Shakir--
* Hay zamana khafa to baja hay kay men,
Us ki marzi kay bilkul munaafi rahi..
--Parveen Shakir--
* Aakhir wo bhi kahin rait bhi bethi hogi,
Tera yeh payar bhi darya hay, utar jaayega..
--Parveen Shakir--
* Maar do bhalay jan say, par yeh saza to hamen na do,
Kay hamaray saamnay betho aur ajnabi lago..
--Parveen Shakir--
* Us kay hi bazuon men aur us ko hi sochtay rahay,
Jism ki khawahishon pay thay rooh kay aur jaal bhi..
--Parveen Shakir--
* Kesay keh dun kay mujhay chor diya hay us ney,
Baat to sach hay magar baat hay ruswai ki..
--Parveen Shakir--
* Charagar haar gaya ho jesay,
Ab to marna hi dawa ho jesay..
--Parveen Shakir--
* Meray lehjay men garoor aaya tha,
Us ko haq tha kay shikayat karta..
--Parveen Shakir--
* Men jab bhi chahoon usay chu kay dekh sakti hun,
Magar wo shakhs kay lagta hay ab bhi khawab aesa!
--Parveen Shakir--
* Nam hen palken teri aey moj-e-hawa,
Kya tujhay bhi koi yaad aata hay barsaat kay saath..
--Parveen Shakir--
* Menay phir tasawur kay kisi lamhay men,
Teri tasveer pay lab rakh diye aahista say..
--Parveen Shakir--
* Yeh dukh nahi kay andheron say sulah ki ham ney,
Malaal yeh hay kay ab subha ki talab bhi nahi..
--Parveen Shakir--
* Koo ba koo baat phel gai shanasai ki,
Us ney khushboo ki tarah meri pazeerai ki..
--Parveen Shakir--
* Us ney jalti hui peshani pay jab haath rakha,
Rooh tak aa gai taseer maseehai ki..
--Parveen Shakir--
* Miltay huay dilon kay beech aur tha faisla koi,
Us ney magar bichartay waqt aur sawal kar diya..
--Parveen Shakir--
* Aik lamhay ki tawajjo nahi hasil uski,
Aur yeh dil kay usay hadd say siwaa chahta hay..
--Parveen Shakir--
* Moat ki aahat sunai dey rahi hay dil men kyun,
Kya MUHABBAT say bohat khali yeh ghar honay ko hay..
--Parveen Shakir--
Read Parveen Shakir Book Online| Parveen SHakir shairi
ReplyDeleteparveen shakir
ReplyDeleteparveen shakir
parveen shakir
parveen shakir
parveen shakir
parveen shakir
parveen shakir profile
ReplyDeleteparveen shakir poetry
parveen shakir anniversy
parveen shakir sad poetry for fans
parveen shakir study
parveen shakir death anniversry
Nice Article - Parveen Shakir High Quality Images
ReplyDeletenice
ReplyDeletecheck it
https://maha-rana.site/parveen-shakir-sad-poetry/
https://maha-rana.site/parveen-shakir-sad-poetry/
ReplyDeleteParveen Shakir Sad Poetry
ReplyDeletehttps://maha-rana.site/parveen-shakir-sad-poetry/
This is really nice poetry. Urdu poetry has its own charm. Thank you for sharing very nice poetry.
ReplyDeleteThe Best urdu poetry with beautiful backgrounds