Sad Poetry

❄) Aey shama tujh pay raat yeh bhari hai jis tarah,
      Menay tamam umar guzari hay is tarah..
                          -- Jann Nisar Akhtar --


❄) Men us ko bhool jaon kesi baaten kartay ho,
      Soorat to phir soorat hay, wo naam bhi payara lagta hay..



❄) Sara hi shehar us kay janazay men tha shareek,
      Tanhaaiyon kay khof say jo shakhs mar gaya..


❄) Wohi to markazi kirdaar hay kahani ka,
      Usi pay khatam hay taseer be'wafai ki..


❄) Ik taweel arsay kay baad,
      Hansi aai bhi to apnay hi haal par..



❄) Ab to awaaz bhi do gay to nahi aaen gay,
      Tootnay walay qayamat ki anaa rakhtay hen..


❄) Mana kay teri deed kay qabil nahi hun men,
      Tu mera shoq dekh mera intezaar dekh..


❄) Apni aankhon ko noch daalun ga,
      Khawab aaye jo phir Muhabbat kay..



❄) Khabar sun kay marnay ki wo bolay raqeebo'n say,
      Khudaa bakshay bohat si khoobiyan thi'n marnay walay men..



❄) Yaqeen mano koi majbooriyan nahi hoti'n,
      Log aadatan wafa nahi kartay..


❄) Roz mujh ko fareb deta hay,
      Kher us ko yeh zaib deta hay..



❄) Har morr pay milta hay hamdard naya,
      Meray shehar men hen fankaar bohat..



❄) Talkhiyaa'n jab chubnay lagi jab zeest kay pemanay men,
      Dard kay maaro ney piya ghol kay Eid ka chaand..



❄) Sab hi tareef kartay hen meri tehreero ki,
      Kabhi koi nahi sunta meray lafzon ki siskiyaa'n..



❄) Aur kya is say zayada koi narmi bartun,
      Dil kay zakhmon ko chua hay teray gaalo'n ki tarah..
                          -- Natiq Lakhnavi --

❄) Poocha tha haal us ney barri mudatton kay baad,
      Kuch parr gaya hay aankh men yeh keh kay ro paray..



❄) Pathar mujhay kehta hay mera chahnay wala,
      Men mom hun us ney mujhay chu kar nahi dekha..



❄) Mera ik mashwara hay iltijaa nahi,
      Tu meray paas say is waqt jaa nahi..



❄) Tujh ko dekhay bina qaraar na tha,
      Aik aesa bhi daur guzra hay..


❄) Shaam sey soch raha hun Nasir,
      Chaand kis shehar men utra hoga..



❄) Deewar kya giri meray kachay makaan ki,
      Logon ney meray ghar say rastay bana liye..


❄) Mujh say ab shaayeri nahi hoti,
      Mujhay lafzo'n ney maar dala hay..



❄) Dard barh kar dawa na ho jaaye,
      Zindagi be-maza na ho jaaye..



❄) Tum mujhay bhool jao to yeh haq hay tum ko,
      Meri baat aur hay menay to Muhabbat ki hay..



❄) Ab tak khabar na thi Muhabbat gunah hay,
      Ab jan kar gunaah kiye jaa raha hun men..



❄) Sab kay honton pay tabassum tha meray qatal kay baad,
      Jaaney kya soch kay rootha raha qatil mera..


❄) Mujhay ishq kay par laga kay uraa,
      Meri khaak jugnu bana kay uraa..



❄) Taak men dushman bhi thay aur pusht par ehbaab bhi,
      Pehla teer kis ney maara, yeh kahani phir sahi..
   


❄) Meri aankhon men ab bhi chubhta hay,
     Tu ney jo khawab tor dala tha..



❄) Meri samajh say bahir hay,
    Meray andar betha hua shakhs..



❄) Ab saharo'n ki baat mat karna,
      Ab dilaso'n say bhar gaya hay dil..



❄) Men kesay sard haathon say tumharey gaal chuta tha,
      December men tumhen meri shararat yaad aaye gi..




❄) Apni anaa ki aaj bhi taskin ham ney ki,
      Ji bhar kay us kay husan ki toheen ham ney ki..
                          -- Iqbal Sajid --


❄) Yeh aankhen teri deed kay,
      Faaqo'n say mar gai'n..




❄) Apni janib say dil ko saaf kiya,
      Jaa Muhabbat tujhay muaaf kiya..




❄) Likhna to tha kay khush hun teray bagair bhi,
     Aansu magar qalam say pehlay hi gir gaye..



❄) Ham say kya ho saka Muhabbat men,
      Khair tum ney to bewafai ki..



❄) Waqt tezi say badal gaya, aur tum,
      Waqt say bhi tez niklay..



❄) Tum kisi kay bhi ho nahi saktay,
      Tum ko apna bana kay dekh liya..


❄) Teray bina zindagi say koi shikwa to nahi,
      Teray bina zindagi bhi lekin zindagi to nahi..


❄) Haal-e-dil yaar ko likhun kyun kar,
      Haath dil say juda nahi hota..



❄) Wo jisay neend kaha kartay hen sab, chain ki neend,
      Wo teray baad kabhi aankhon men utri hi nahi..



❄) Apnay khilaaf shehar kay andhay hajoom men,
      Dil ko bohat malaal tujhay dekh kar hua..



❄) Bewafai pay teri ji hay fida,
      Qehar hota jo ba'wafaa hota..



❄) Waqt ki chand saayte'n Sagar,
      Loat aaen to kya tamasha ho..



❄) Bewafai ki sabhi kitaabo'n men,
      Teray jesi koi misaal nahi..


❄) Kya samajhtay ho tum Muhabbat ko,
      Chaar lafzo'n ki ik azziyat hay..



❄) Zindagi ko to behr-e-haal guzar hi jana tha,
      Muft ehsaan zamaney kay uthaaye ham ney..



❄) Dil ko tora to saleeqay say na tora tum ney,
      Bewafai kay bhi adaab hua kartay hen..